Lordin palveluksesta
Meänkielen Suursanakirja
Meänsuomen föreeninki
Uusi kirja:
Elämän yksinkertaisuus on se vaikea.
Teksti on ette tietää taitheen. Tiete ei koskhaan saata tutkia kokonaisuutta.
Vain sanaparret, arvoitukset ja kuvaukset ulottuvat sinne. Kasuvet ei mene kertoa.
Taije on kehno osissa. Tykkäämä tetaljista, vaikka tunnema mysiikin.
Ihminen on kuin symfuniorkesteri joka pellaa kaikkia instrymenttiä samala aikaa.
Met saatama vain kuunella yksityisiä fiuulia, trympeettiä ja baasia.
Tiete kertoo instrymentistä jokka pellaavat nuotitten mukhaan.
Taije hahmottaa symfuniin ja orkesterin ilman nuottia jonka pittää tuntea ja kokea.
Tietheentaije kerrää toortanpalasia toorthaan jota koko aijan leivothaan.
Kirja yhistää taitheen muotossa mitä olen kirjottanu sosialistisesta individualismista ja luovuuesta.
Niin kans alkuperäsestä luojankielestä ja uuesta johtajankielestä mitä opima koulussa. Osa 1 neljästä.
En ideologi för entreprenörskap och innovation
 
Kirjassa keskustelthaan seuraavaa asiaa: Ihmisen kehitys kulkee kulttuurisessa evulysuunissa yksityisestä ihmisestä yhä vahvemphaan sosiaaliseks rollinkantajaks. Yksityisestä heijosta meettatietoisuuesta vahvaan kolektiivisheen meettatietoisuutheen, joka rakentaaa julkista, hallinolista, pyrokraattista yhteiskuntaa, ja paljon virkamiehiä. Mutta samat kolektiiviset stryktyyrit ja siihen liittyvä muterni kansanusko estävät luovuutta, entreprenööriyyttä, taijetta ja uutta tietettä, koska sen pittää yksityinen ihminen luoa.
| 
